حدیثد حديثونو ژباړه

د نبوي حديثونو ښونځی [ د نيکو اخلاقو او له خلکو سره د احسان مسائل ] ( 176– 175 ) حديثونه . ليکنه: لقمان حکيم حکمت

د نبوي حديثونو ښونځی [ د نيکو اخلاقو او له خلکو سره د احسان مسائل ] ( 176– 175 ) حديثونه . ليکنه: لقمان حکيم حکمت

د رياکار نيک عملونه بې ثوابه دي:

۱۷۶ – : عَنْ أَبِي سَعِيدِ بْنِ أَبِي فَضَالَةَ الْأَنْصَارِيِّ رَضِيَ اللهُ عَنْهُ أَنَّهُ قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ: [ إِذَا جَمَعَ اللَّهُ عَزَّ وَجَلَّ الْأَوَّلِينَ، وَالْآخِرِينَ لِيَوْمٍ لَا رَيْبَ فِيهِ، نَادَى مُنَادٍ: مَنْ كَانَ أَشْرَكَ فِي عَمَلٍ عَمِلَهُ لِلَّهِ أَحَدًا، فَلْيَطْلُبْ ثَوَابَهُ مِنْ عِنْدِ غَيْرِ اللَّهِ عَزَّ وَجَلَّ، فَإِنَّ اللَّهَ أَغْنَى الشُّرَكَاءِ عَنِ الشِّرْكِ ] ( مسند أحمد: ۱۵۸۳۸، سنن ابن ماجه: 4203).

ژباړه: له ابوسعيد خدري رضي الله عنه نه روايت دی چې ما له رسول ا لله صلی الله عليه وسلم څخه اوريدلي دي ويل يې: الله پاک چې کله اولني او اخرني په هغه ورځ راغونډ کړي چې هېڅ شک او شبهه پکې نشته، اواز کونکی به اواز وکړي: که چا کوم عمل د الله لپاره کړی وي او څوک يې ورسره په کې شریک کړی وي نو ثواب دې له الله نه بغير له بل چا ( شريک ) نه وغواړي، الله پاک له شریکانو او شرک څخه غني دی.

 

 

د رياکار د عمل ثواب دنيوي نيک نامي ده:

177 – : عَنِ ابْنِ عَبَّاسٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: [ مَنْ سَمَّعَ سَمَّعَ اللهُ بِهِ، وَمَنْ رَاءَى رَاءَى اللهُ بِهِ ] ( صحيح مسلم: ۲۹۸۶، صحيح ابن حبان: ۴۰۷ ).

ژباړه: له ابن عباس رضي الله عنه نه روایت دی چې رسول الله صلی الله عليه وسلم فرمايي: که څوک – په نيکو عملونو باندې – نوم کوي نو الله پاک به يې نوم وکړي – نامي به يې کړي – او که څوک ځان ښودنه کوي الله پاک به يې خلکو ته وښايي.

 

د حقوقو بيان:

د بچو شتمني مور او پلار ته روا ده:

178 – : عَنْ عَائِشَةَ رَضِيَ اللهُ عَنْهَا قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: [ إِنَّ أَطْيَبَ مَا أَكَلْتُمْ مِنْ كَسْبِكُمْ، وَإِنَّ أَوْلَادَكُمْ مِنْ كَسْبِكُمْ ] ( ۲۲۹۰، مسند أحمد: ۲۵۲۹۶، سنن ترمذي: ۱۳۵۸ ).

ژباړه: له عائشې رضي الله عنها نه روايت دی چې رسول الله صلی الله عليه وسلم فرمايي: په يقين سره غوره خواړه چې تاسو يې کوئ هغه دی چې ستاسو ګټه وټه وي، او بچيان ستاسو ګټه وټه دي.

 

مور او پلار کنځل کبيره ګناه ده:

179 – : عَنْ عَبْدِ اللَّهِ بْنِ عَمْرٍو، رَضِيَ اللَّهُ عَنْهُمَا قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: [ إِنَّ مِنْ أَكْبَرِ الكَبَائِرِ أَنْ يَلْعَنَ الرَّجُلُ وَالِدَيْهِ» قِيلَ: يَا رَسُولَ اللَّهِ، وَكَيْفَ يَلْعَنُ الرَّجُلُ وَالِدَيْهِ؟ قَالَ: «يَسُبُّ الرَّجُلُ أَبَا الرَّجُلِ، فَيَسُبُّ أَبَاهُ، وَيَسُبُّ أُمَّهُ ] ( صحيح البخاري: 5973، مسند أحمد: ۷۰۲۹، صحيح ابن حبان: ۴۱۲ ).

ژباړه: له عبدالله بن عمرو رضي الله عنهما نه روايت دی چې رسول الله صلی الله عليه وسلم فرمايي: په لويو ګناهونو کې لويه ګناه دا ده چې څوک مور او پلار ته کنځلې وکړي، وويل شول: د الله رسوله! سړی څنګه مور او پلار ته لا کنځلې کوي؟ هغه وويل: دا چې څوک د چا مور او پلار ته کنځلې وکړي نو هغه يې بېرته د ده مور او پلار ته وکړي.

Tags

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

*

code

Back to top button